الى طلبة علوم او هندسة الحاسبات : اللي يحب يحترف لغة c /c++ او اي لغة اخرى اليكم هذا الموضوع وانشاء الله تحترفوها خلال مدة لاتزيد عن 4 اشهر

انت طالب علوم او هندسة حاسبات - او انت طالب دراسات عليا واتريد تراجع المادة التي تخص الموضوع !؟

وناسي كل شي اللي قريته وبنفس الوقت انت محدد بوقت ؟!

هذا الموضوع ايفيدك ان شاء الله تعالى ، تدري ليش ؟!

اني اقو لك ليش 

رح اتطرق الكم وابتدا مقالتي 

ببسم الله الرحمن الرحيم - مرة من المرات نصحني زميل الي ان اراجع معلوماتي البرمجيه لانه اني مهندسة برامجيات وتاركه الكليه فترة من الزمن اكثر من 10سنوات 

ونصحني على قناة باليوتيوب ان اتابعها وبيها سلسلة من الفديوات مرتبة على هيئة قوائم كل قائمة تخص موضوع معين مثلا :

اذا تريد تتعلم البرمجه c#  اروح على قائمة  c++ واتابع فديوات هذه القناة 

ابشركم القناة باللغة العربية ومن مبرمج عراقي عايش بامريكا 

حسين احمد الربيعي الشاب العراقي الطموح من العراق 

ولد في خانقين الواقعة في شمال محافظة ديالى قضى المرحلة الثانونية  حتى هناك ودرس البكالوريوس هندسة البرامجيات والحاسبات في جامعه ديالى - ويقول من المستحيل الجمع بين هندسة الحاسبات والبرامجيات الا في بلد العجائب وهو العراق 

ودرس الماجستير هندسة الحاسبات في نيوريوك / امريكا 

ويحضر حاليا لدراسة الدكتوراة 

نقطه التحول استاذه يسر في المرحلة الثانية من دراسته للبكالوريوس - اعطته نصائح ومن ذلك الوقت بدا التعلم وكتابه البرامج في  لغة البرمجه التي يتعلمها 

هدفه ان يجمع مليون مبرمج يتعلمون لغات البرمجة على قناة اليوتيوب 

وان شاء الله تكون مقالي هذه ولو دفعه بسيطة تدفعه الى الامام لتحقيق حلمه 

ونحقق احلامنا ولو على الاقل بنجاحنا لهذه اللغة اللي ندرسها في الجامعه سواءكان في مرحلة البكالوريوس او مرحلة القبول في الدراسات العليا لمرحلة الماجستير عل الاقل 

نعم ليس لي معرفة شخصية به سوى ان انني تابعت فديواته على اليوتيوب 

تعلمت html خلال يومين فقط وقمت اصمم الصفحات الويب 

ومن خلال طموحي لنيتي لأكمال الدراسات العليا قررت مشاركتكم هذا الموضوع 

ارجو ان تستفادون من القناة 

نعم ، الموضوع يمكن ما يخص تعلمك ببرمجة  ++ c  وانما يشمل لغات برمجية اخرى مثل #c 

اني ممتنة لهذا الشخص 

ووممتنة للشخص الذي دلاني لاتابع هذه القناة 

والاهم ممن ذلك الطريق اللي رسمه ليا رب العالمين 

واذا فادكم الموضوع فاكيد رح تكونون ممتنين الي ^-^

ما اطولها عليكم هذا الفديو المشروح الكم :

وهذا رابط الكتاب لتعلم برمجة c++  وباللغة العربية اذا تحب نزله على جهازك الموبايل واقراه ولو بزحمة السير وانت بطريقك الى الجامعة او العمل 

ملاحظة : نزل الكتاب وتابع الفديوات التي تخص مواضيع الكتاب + تنزل البرنامج اللي تطبق عليه البرمجة 

رابط البرنامج :

اون لاين:

العمر يمضي ولازم نستغل الوقت 

ترة البرمجة الها مستقبل كبير لمن يتعلمها وخصوصا اللي يعمل بيها بدول الغرب مثل امريكا :                                            اقل راتب للمبرمج اهناك 100 الف دولار سنويا 

من نتعلم شي نستثمر في انفسنا ونرفع من مقايسنا ونشارك ما نتعلمه الى الاخرين 

فاحب لأخيك ما تحبه لنفسك